ދުނިޔޭގެ އެކި ކަންކޮޅުތަކުގައި ކޮންމެ އަހަރަކުވެސް ބާއްވަމުން އަންނަ “ހައުސް ކީޕިންގް ވީކް” މިއަހަރު ދުވާފަރުގައި ވަރަށް ކުލަގަދަކޮށް ބާއްވަން ވަނީ ނިންމާފައެވެ. މި އަހަރުގެ ސެޕްޓެމްބަރ 19 އަދި 20 ވަނަ ދުވަހު މި އިވެންޓް ދުވާފަރުގައި ކުރިއަށް ގެންދިޔުމަށް ހަމަޖެހިފައިވަނީ ދުވާފަރު ލައިވް އާއި، މޯލްޑިވްސް ހައުސް ކީޕީންގް އެސޯސިއޭޝަނާއި، ދުވާފަރު ކައުންސިލް ގުޅިގެންނެވެ.
“ހައުސް ކީޕިންގް ވީކް” ގެ ހަރަކާތްތަކުގެ ތެރެއިން ދުވާފަރުގައި ކުރިއަށް ގެންދިޔުމަށް ހަމަޖެހިފައިވާ “ބެޑް ޑެކޮރޭޓިންގް” މުބާރާތުގައި ބައިވެރިވުމުގެ ފުރުސަތު ހުޅުވާލެވިފައިވާނީރަާ އަތޮޅާއި، ނޫނު އަތޮޅު އަދި ބާ އަތޮޅުގެ ރިސޯޓުތަކާއި ގެސްޓް ހައުސްތަކަށެވެ. މީގެ އިތުރުންވެސް މި ވީކްގެ ޙަރަކާތްތައް ދުވާފަރުގެ މުޢައްޞަސާތަކުގެ މެދުގައި އޮންނާނެއެވެ.
”އިންޓަރނޭޝަނަލް ހައުސް ކީޕިންގް ވީކް“ ގެ މައިގަނޑު މަޤްޞަދަކީ ރިސޯޓުތަކާއި ހޮޓެލްތަކުގައި މަސައްކަތްކުރާ މުވައްޒަފުންގެ އަގު ވަޒަންކޮށް އެ ބޭފުޅުންގެ މަސައްކަތްތައް ބަލައިގަތުމެވެ. އަދި މި ވީކްގައި ދުނިޔޭގެ ހުރިހާ ހިސާބެއްގައިވެސް ރިސޯޓާއި ހޮޓެލްތަކުގެ މުވައްޒަފުންނަށް ، ހައުސް ކީޕިންވީކު ކުލަ ގަދަކޮށް ފާހަގަކުރާއިރު އެކި ކަހަލަ ކުޅިވަރުތަކާއި އެންމެންގެ މެދުގައި އެކުވެރިކަން އާލާކުރުމަށް ތަފާތު ހަރަކާތްތައް ބޭއްވިގެންދެއެވެ.
