ފުލުހުން ރ.ދުވާފަރުގައި މަސްތުވާތަކެއްޗާއި ދެކޮޅަށް ހިންގި އޮޕަރޭޝަނެއްގައި 3 މީހަކު ހައްޔަރުކޮށްފިއެވެ.
މިއީ ކައުންޓަރ ނާކޮޓިކްސް އިންޓެލިޖެންސްއާއި ދުވާފަރު ޕޮލިހާއި މުއައްސަސާ ގުޅިގެން މި މަހު 27 ވަނަ ދުވަހުގެ ރޭ ދަންވަރުވަގުތެއްގައި ހިންގައިފައިވާ އޮޕަރޭޝަނެކެވެ.
މި އޮޕަރޭޝަންގައި ހައްޔަރުކޮށްފައިވަނީ ދުވާފަރު ދަފްތަރު ނަންބަރު 0098، 39 އަހަރުގެ މުހައްމަދު އަލީ އާއި ރ.ދުވާފަރު އުޖާލާއަލި، 28 އަހަރުގެ އިސްމާއީލް ޝައުފާން އަލީ އާއި ގއ.ގެމަނަފުށީ ނިއުލައިޓް، 32 އަހަރުގެ ނަދީހު ހިލްމީއެވެ.
މި އޮޕަރޭޝަން ހިންގިފައި ވަނީ ކައުންޓަރ ނާކޮޓިކްސް އިންޓެލިޖެންސްއަށް ލިބުނު މައުލޫމާތަކަށް ގުޅިގެންނެވެ.އަދި މި އޮޕަރޭޝަންގައި މީހުން ހައްޔަރުކުރެވުނީ މަސްތުވާ ތަކެތި އެތެރެކޮށް، އެތަކެތި ގެންގުޅެ އަދި ބޭނުންކުރާ ކަމުގެ ތުހުމަތުގައެވެ.
މައްސަލަގައި ހިމެނޭ 3 މީހުން ކޯޓަށް ހާޟިރުކުރެވި، އިސްމާއީލް ޝައުފާން 5 ދުވަހުގެ މުއްދަތަށް ބަންދުގައި ބެހެއްޓުމަށާއި އަދި ނަދީހު ޙިލްމީ އާއި މުޙއްމަދު ޢަލީ 30 ދުވަހުގެ މުއްދަތަށް ބަންދުގައި ބެހެއްޓުމަށް ކޯޓުންވަނީ ހުކުމްކޮށްފައެވެ.
މި މައްސަލަ ފުލުހުން ތަހުޤީޤު ކުރައްވަމުން ގެންދަވާކަމަށް ފުލުހުން އިއްޔެ ނެރުނު ޕްރެސް ރިލީޒްގައި ހާމަކުރެއްވާފައިވެއެވެ.
Other Articles
